We have detected Lahore as your city

کالی مرچ کے 10 طبی فوائد

Ms. Ayesha Nasir

5 min read

Find & Book the best "Nutritionists" near you

 کالی مرچ ایک  مسالا ہے جو آپ کے کھانے میں اضافی ذائقہ ڈالتا ہے اور اپنے اندر آپ کی صحت سے متعلق بھرپور فائدے بھی رکھتا ہے۔ آپ کے پکوانوں کو ذائقہ دار بنانے کے علاوہ یہ بیماریوں کو شکست دینے اور انہیں آپ سے  دور رکھنے میں بھی مدد کر سکتا ہے۔ کالی مرچ کے فوائد کو قدیم آیورویدک نظام میں بہت زیادہ تسلیم کیا گیا تھا۔

کالی مرچ کو تمام مصالحوں کا بادشاہ  بھی کہا جاتا ہے۔ کالی مرچ میں پائے جانے والے قدرتی اجزاء کے ساتھ ساتھ کالی مرچ میں وٹامن بی 12، وٹامن سی، کے، ای، اے کے ساتھ ساتھ مینگنیج، آئرن، کیلشیم، فاسفورس، پوٹاشیم، زنک وغیرہ کے ساتھ ضروری وٹامنز اور منرلز بھی ہوتے ہیں۔ 

۔1 ہاضمہ کو بہتر کرتی ہے

کالی مرچ والا کھانا درحقیقت آپ کی آنتوں پر آسانی پیدا کر سکتا ہے۔ کالی مرچ ہائیڈروکلورک ایسڈ کی رطوبت کو تحریک دے کر ہاضمے میں مدد کرتی ہے۔  تحقیق کے مطابق ہائیڈروکلورک ایسڈ ایک ایسا تیزاب ہے جو پیٹ میں کھانے کو توڑنے میں مدد کرتا ہے۔ ہائیڈروکلورک ایسڈ معدے میں پروٹین اور دیگر غذائی اجزا کے ہاضمے کے لیے بے حد ضروری ہے۔

جب جسم میں تیزاب کی پیداوار ناکافی ہوجاتتی ہے تو کھانا پیٹ میں طویل عرصے تک رہ سکتا ہے جس سے سینے میں جلن یا بدہضمی ہو سکتی ہے۔ اپنے ناشتے کے انڈوں پر کالی مرچ کا استعمال لازمی بنائیں۔  کالی مرچ کو آنتوں کی گیس اور اپھارہ کو دور کرنے  میں مدد کے لیے بھی استعمال کیا جا سکتا ہے۔

۔2  بینائی کو بہتر بناتی ہے

کالی مرچ میں پائپرین نامی اینٹی آکسیڈنٹ پایا جاتا ہے جو بینائی کو بہتر کرتا ہے۔ پائپرین ریٹنا کو نقصان سے بچانے میں مدد کرتا ہے اور آنکھوں میں خون کی گردش کو بہتر بناتا ہے۔ کالی مرچ میں موجود پائپرین رات کی بینائی کو بھی بہتر بنا سکتا ہے۔

ایک تحقیق سے پتا چلا ہے کہ جو لوگ پائپرین سپلیمنٹس لیتے ہیں ان کی رات کی بینائی صرف دو ہفتوں کے بعد بہتر ہوجاتتی ہے۔ گلوکوما ایک آنکھ کی حالت ہے جو اندھے پن کا باعث بن سکتی ہے۔

۔3 دماغ کو فائدہ پہنچاتی ہے

کالی مرچ ہمارے دماغ کو متحرک کرنے میں مدد کرتی ہے۔ یہ دماغ میں کیمیائی راستوں کو متحرک کرکے انسان کی یادداشت اور ادراک کی صلاحیت کو بڑھاتی ہے۔ مزید برآں، یہ ایک اینٹی ڈپریسنٹ کے طور پر موڈ اور افعال کو بہتر بناتی ہے۔ کالی مرچ میں پایا جانے والا ایک مادہ پائپرین، علمی افعال کو بڑھانے کے لیے کام میں لایا جاتا ہے۔ اعصابی بیماریوں کے مریض اس سے سب سے زیادہ فائدہ اٹھاتے ہیں۔

مطالعات سے پتہ چلتا ہے کہ کالی مرچ پارکنسن کی بیماری سے بچنے میں مدد دیتی ہے کالی مرچ کے اہم اجزاء میں سے ایک متعدد مطالعات میں دکھایا گیا ہے کہ یہ یادداشت کی کمزوری اور علمی خرابی کو کم کر سکتا ہے۔ دماغ میں کیمیائی راستے اس نامیاتی مرکب سے متحرک نظر آتے ہیں۔ ابتدائی تحقیق سے پتہ چلتا ہے کہ کالی مرچ الزائمر کے مریضوں اور ان لوگوں کو فائدہ پہنچا سکتی ہے جو عمر سے متعلق یا ادراک میں آزاد ریڈیکل سے متعلق خرابی کا شکار ہوتے ہیں۔

۔4 کولیسٹرول کو کم کرتی ہے

کالی مرچ  کولیسٹرول کو کم کرنے والی غذاؤں میں سے ایک ہے۔ ہائی بلڈ کولیسٹرول کا تعلق دل کی بیماری سے ہوتا ہے جو دنیا بھر میں اموات کی سب سے بڑی وجہ ہے۔ تاہم کالی مرچ میں موجود پائپرین کولیسٹرول کے جذب کو کم کرنے بُرے کولیسٹرول  یعنی ایل ڈی ایل، یا کم کثافت والے لیپو پروٹین کی سطح کو کم کرنے اور اچھے کولیسٹرول یا ہائی ڈینسٹی لیپو پروٹین کی سطح کو بڑھانے میں معاون ثابت ہو سکتا ہے۔

 ۔5 بلڈ شوگر کو کنٹرول کرتی ہے

ٹائپ 2 ذیابیطس کے مریض کالی مرچ کے استعمال سے اپنے خون میں شکر کی سطح کو کنٹرول کر سکتے ہیں۔ ٹائپ 2 ذیابیطس اس وقت پیدا ہوتی ہے جب جسم کا لبلبہ زیادہ انسولین پیدا کرنے سے قاصر ہوتا ہے یا جب وہ عام انسولین کی سطح کو مناسب طریقے سے جواب دینے میں ناکام رہتا ہے۔

اس وجہ سے، غذائی ماہرین اکثر اس بات پر زور دیتے ہیں کہ کالی مرچ کا زیادہ استعمال آپ کے ہائی بلڈ شوگر کے خطرے کو کم کرنے میں مدد کر سکتا ہے۔ کالی مرچ کے اینٹی آکسیڈنٹ فوائد سے بلڈ شوگر کی سطح مستحکم رہتی ہے جو کہ نظام ہاضمہ کی حالت کو بھی بہتر بناتی ہے۔ اس کے علاوہ کالی مرچ موٹاپے کے خلاف لڑنے میں مدد کرتی ہے جو کہ ذیابیطس کی بنیادی وجوہات میں سے ایک ہے۔

۔6 کینسر سے لڑنے میں مدد کرتی ہے

 کالی مرچ میں موجود سب سے زیادہ فعال جزو پائپرین کینسر سے لڑنے کی خصوصیات رکھتا ہے۔ کالی مرچ میں وٹامن اے، کیروٹینائڈز، وٹامن سی بھی ہوتا ہے جو جسم سے غیر محفوظ فری ریڈیکلز کو نکالنے میں مدد کرتا ہے اور کینسر جیسی مہلک بیماریوں سے بچاتا ہے۔

ایک تحقیق میں بتایا گیا ہے کہ کالی مرچ میں موجود پائپرین بڑی آنت کے کینسر سے بچاتا ہے۔ ہلدی والے دودھ میں ایک چٹکی کالی مرچ ملا کر اسے روزانہ پینا آپ کی صحت کے لیے حیرت انگیز کام کرتا ہے۔

۔7 کھانسی اور زکام سے نجات دلاتی ہے

کالی مرچ کی سوزش کے مخالف خصوصیات سانس کی نالی میں سوزش کو کم کرنے میں بھی مددگار ثابت ہوتی ہیں۔ کھانسی یا نزلہ زکام سے نجات کے لیے ضرروی ہے کہ آپ ایک گلاس نیم گرم پانی میں ایک چمچ کالی مرچ کا ملا لیں اور اسے دن میں کسی بھی وقت پئیں اس سے نزلہ زکام تیزی سے دور ہونے کے امکانات زیادہ ہوتے ہیں نہیں تو آپ کالی مرچ کو چائے کے کپ میں ملا کر بھی پی سکتے ہیں جس سے زکام دور ہو جاتا ہے۔

کالی مرچ کا سب سے عام استعمال نزلہ اور کھانسی جیسے سانس کے مسائل کے علاج میں کیا جاتا ہے۔ اس کی اینٹی بیکٹیریل خصوصیات کی وجہ سے گرم پانی کے ساتھ کالی مرچ آپ کے پھیپھڑوں کو اضافی بلغم سے نجات دلانے میں فائدہ دیتی ہے۔ سینے کی بھیڑ کو روکنے کے لیے بس ایک چٹکی کالی مرچ کسی سبز چائے، ہلدی کے ایک گلاس دودھ، یا کچھ شہد ملا ہوا گرم پانی ڈالیں اور نزلہ زکام کو دور بھگائیں۔

۔8 جلد کو خوبصورت بنانے میں مدد کرتی ہے

کالی مرچ کی اینٹی بیکٹیریل اور اینٹی سوزش خصوصیات جلد کے انفیکشن اور مہاسوں کو ٹھیک کرنے میں مدد کرتی ہیں۔ اسے اپنی خوراک میں شامل کرنے کے علاوہ آپ اسے اپنے چہرے کے اسکرب میں شامل کرنے کی کوشش کریں اس سے بھی آپ کے چہرے میں نکھار آئے گا۔ یہ مردہ جلد کو خارج کرتا ہے اور خون کی گردش کو تیز کرتا ہے جس کی وجہ سے آپ کے چہرے پر زیادہ آکسیجن پہنچتی ہے۔ اس کا نتیجہ صحت مند اور چمکدار رنگت میں آتا ہے۔

اگرچہ آپ کو جلد کے مسئلے کو دور کرنے کے لیے کئی ادویات دستیاب ہیں لیکن کالی مرچ جلد  کے امراض کے علاج میں آپ کی بہت مدد کر سکتی ہے۔ کالی مرچ پاؤڈر آپ کی جلد کو ہموار بناتی ہے اور اس کی چمک میں اضافہ کرتی ہے۔ دہی میں آدھا چائے کا چمچ کالی مرچ پاؤڈر ڈال کر چہرے پر لگائیں اور 15 سے 20 منٹ تک لگا رہنے دیں۔ 

۔9 وزن میں کمی کو فروغ دیتی ہے 

کالی مرچ کو اپنی غذا میں شامل کرنا وزن کم کرنے کا ایک بہترین طریقہ ہے۔ کالی مرچ کو وزن کم کرنے کے لیے استعمال کرنے کا بہترین طریقہ یہ ہے کہ اسے ایک گلاس نیم گرم پانی میں شامل کرکے صبح سویرے پی لیں۔ اس میں کچھ ذائقہ حاصل کرنے کے لیے آپ اس میں کچھ شہد بھی شامل کر سکتے ہیں۔ 

وزن کم کرنے کے لیے روزانہ شہد میں آدھا چمچ کالی مرچ کا استعمال کافی ہوتا ہے اس بات کو یقینی بنائیں کہ آپ روز کا آدھا چمچ کالی مرچ ہی لے رہے ہیں۔ 

۔10 دانتوں کی صحت کے لیے بہترین ہے

 کالی مرچ سے آپ دانتوں کی صحت کے لیے ایک اور اہم فائدہ  حاصل کر سکتے ہیں۔ اس کی وجہ سے آپ کے دانت یقیناً بہتر اور صحت مند ہوں گے۔ یہ جزو کئی قسم کے ٹوتھ پیسٹ اور دیگر مصنوعات میں بھی استعمال ہوتا رہا ہے۔ 

کالی مرچ کے استعمال سے آپ کے دانت نہ صرف مضبوط ہوں گے بلکہ آپ کبھی یہ بھی  محسوس نہیں کریں گے کہ آپ کے دانتوں میں بدبو پیدا ہونے کا مسئلہ ہو سکتا ہے۔ اگر آپ کے دانتوں کی خرابی ہے اور دانت کے درد سے فوری نجات چاہتے ہیں تو ہم آپ کو کالی مرچ کے روزانہ استعمال کرنے کا مشورہ ضرور دیں گے۔

Disclaimer: The contents of this article are intended to raise awareness about common health issues and should not be viewed as sound medical advice for your specific condition. You should always consult with a licensed medical practitioner prior to following any suggestions outlined in this article or adopting any treatment protocol based on the contents of this article.

Ms. Ayesha Nasir
Ms. Ayesha Nasir - Author Ms. Ayesha Nasir is a very well known dietitian and nutritionist in Lahore thanks to her numerous television appearances and a stellar reputation. She has appeared on City@10 as an expert guest numerous times and is also currently regularly seeing new patients.

Book Appointment with the best "Nutritionists"